santhosha ram
ವರದಿ : ಲೋಕೇಶ್ ನಾಯ್ಕ. ಭಟ್ಕಳ.
ಭಟ್ಕಳ.ನವೆಂಬರ್. 9.
ನವೆಂಬರ್ 6 ರಂದು ಭಟ್ಕಳ ಎಸ್ ಡಿ ಪಿ ಐ ಪಕ್ಷ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಎಸ್ ಡಿ ಪಿ ಐ ಮುಖಂಡರು ಪ್ರಚೋದನಾಕಾರಿ ದ್ವೇಷ ಭಾಷಣ ಮಾಡಿದ್ದು. ಶಾಂತಿ ಕದಡುವವರ ವಿರುದ್ಧ ದೂರು ದಾಖಲಿಸುವಂತೆ ಭಟ್ಕಳ ಶಹರ ಠಾಣೆ ವೃತ್ತ ನೀರಿಕ್ಷಕರಿಗೆ ಭಟ್ಕಳ ತಾಲೂಕು ಬಿಜೆಪಿ ಮಂಡಳ ಮನವಿಯನ್ನು ಸಲ್ಲಿಸಿತು.
ನವೆಂಬರ್ 4 ರಂದು ಭಟ್ಕಳ ಬಿಜೆಪಿ ಮಂಡಳ .ರೈತರ ಪಹಣಿಯಲ್ಲಿ ವಕ್ಫ ಆಸ್ತಿ ನಮೂದಾಗಿರುವುದನ್ನು ಖಂಡಿಸಿ ಬೃಹತ್ ಪ್ರತಿಭಟನೆ ಹಮ್ಮಿಕೊಂಡಿತ್ತು. ಈ ಪ್ರತಿಭಟನೆಯಲ್ಲಿ ಬಿಜೆಪಿ ಮುಖಂಡ ಕೃಷ್ಣ ನಾಯ್ಕ ಅನ್ಯ ಕೋಮಿನ ವಿರುದ್ದ ಪ್ರಚೋದನಾಕಾರಿ ಭಾಷಣ ಮಾಡಿದ್ದಾರೆ ಎಂಬ ಹಿನ್ನಲೆಯಲ್ಲಿ ಇದನ್ನು ಖಂಡಿಸಿ ಎಸ್ ಡಿ ಪಿ ಐ ಮುಖಂಡರು ನವೆಂಬರ್ 6 ರಂದು ಭಟ್ಕಳ ಪ್ರವಾಸಿ ಮಂದಿರದ ಎದುರು ಪ್ರತಿಭಟನೆ ನಡೆಸಿದರು
ಈ ಸಂದರ್ಭದಲ್ಲಿ ಆರ್ ಎಸ್ ಎಸ್ ಸಂಘಟನೆ, ವೀರ ಸಾವರ್ಕರ್, ಅಯೋಧ್ಯೆ ರಾಮಮಂದಿರದ ವಿರುದ್ಧವಾಗಿ ನಾಲಿಗೆಯನ್ನು ಹರಿಬಿಟ್ಟಿದ್ದರು. ಇದನ್ನು ಖಂಡಿಸಿ ಎಸ್ ಡಿ ಪಿ ಐ ಮುಖಂಡ ಜಿಲ್ಲಾಧ್ಯಕ್ಷ ತೌಪಿಕ್ ಬ್ಯಾರಿ, ವಾಸಿಮ್ ಮಣಿಗಾರ ಹಾಗೂ ಪ್ರತಿಭಟನೆ ಯಲ್ಲಿ ಭಾಗಿಯಾದ 50 ಕ್ಕೂ ಜನರ ಮೇಲೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಉಲ್ಲೇಖಿಸಿ ಮನವಿ ಪತ್ರವನ್ನು ಭಟ್ಕಳ ಶಹರ ಠಾಣೆ ವೃತ್ತ ನೀರಿಕ್ಷಕ ಗೋಪಿಕೃಷ್ಣ ರವರಿಗೆ ಬಿಜೆಪಿ ಮಂಡಲಾಧ್ಯಕ್ಷ ಲಕ್ಷ್ಮಿನಾರಾಯಣ ನಾಯ್ಕ ನೀಡಿದರು.
ಈ ಸಂದರ್ಭದಲ್ಲಿ ಬಿಜೆಪಿ ಹಿಂದುಳಿದ ವರ್ಗ ಮೋರ್ಚಾದ ರಾಜ್ಯಉಪಾಧ್ಯಕ್ಷ ಈಶ್ವರ ನಾಯ್ಕ, ಜಿಲ್ಲಾ ಕಾರ್ಯದರ್ಶಿ ಸುಬ್ರಾಯ ದೇವಾಡಿಗ,ನಿವೃತ್ತ ಸೈನಿಕ ಶ್ರೀಕಾಂತ ನಾಯ್ಕ, ಶ್ರೀನಿವಾಸ್ ನಾಯ್ಕ ರಾಘವೇಂದ್ರ ನಾಯ್ಕ ಸುನಿಲ್ ಕಾಮತ್ ಮತ್ತಿತರರು ಇದ್ದರು.
