ವರದಿ :ಲೋಕೇಶ್ ನಾಯ್ಕ್.ಭಟ್ಕಳ.

ಕನ್ನಡನಾಡು  ಕವಿಗಳ ಬಿಡು,   ಕಲೆ   ಸಂಸ್ಕೃತಿಗಳ, ನೆಲೆಬಿಡು ,ಸಹಾಯಕ ಅಯುಕ್ತೆ ಡಾ. ನಯನಾ ಎನ್.


ಭಟ್ಕಳ:  ನವೆಂಬರ್.1.
ತಾಲೂಕಾ ಆಡಳಿತ, ತಾಲೂಕಾ ಪಂಚಾಯತ, ಪುರಸಭೆ ಹಾಗೂ ಪಟ್ಟಣ ಪಂಚಾಯತ್ ಜಾಲಿ ಇವರ ಸಂಯುಕ್ತ ಆಶ್ರಯದಲ್ಲಿ ನಡೆದ  ಕನ್ನಡ ರಾಜ್ಯೋತ್ಸವವನ್ನು ಸಹಾಯಕ ಅಯುಕ್ತೆ ಡಾ. ನಯನಾ ಎನ್.ಶುಕ್ರವಾರದಂದು ಭಟ್ಕಳ  ತಾಲೂಕಾ ಆಡಳಿತ ಸೌಧದಲ್ಲಿ ಶ್ರೀಭುವನೇಸ್ವರಿ ದೇವಿಗೆ ಪೂಜೆ ಸಲ್ಲಿಸಿ ಹಸಿರು ನಿಶಾನೆ ತೋರಿಸುವ ಮೂಲಕ ಚಾಲನೆ ನೀಡಿದರು.

ಧ್ವಜಾರೋಹಣ ನೆರವೇರಿಸಿ ಮಾತನಾಡಿದ ಸಹಾಯಕ ಅಯುಕ್ತೆ ಡಾ. ನಯನ ಕನ್ನಡ ನಾಡು ಕವಿಗಳ ಬಿಡು, ಕಲೆ ಸಂಸ್ಕೃತಿ ಗಳ ನೆಲೆಬಿಡು, ಇಂತಹ ಸುಂದರ ನಾಡಿನ ಹಬ್ಬವನ್ನು ಜಾತಿ, ಮತ, ಪಂಥ, ಧರ್ಮಗಳ ಭೇದವಿಲ್ಲದೆ. ಸಂಭ್ರಮದಿಂದ ಕರುನಾಡಿನ ಉದ್ದಗಲಕ್ಕೂ ಆಚರಿಸಲಾಗುತ್ತದೆ. ಅಷ್ಟೇ ಅಲ್ಲದೆ ದೇಶ ವಿದೇಶಗಳಲ್ಲಿ ಕೂಡ ವಿದೇಶಿಗರು  ಸಹ ಕನ್ನಡ ಅಭಿಮಾನವನ್ನು ಮೆರೆಯುತ್ತಾರೆ. ಅದರಂತೆ ನಮ್ಮ ತಾಲ್ಲೂಕಿನಲ್ಲಿಯು ಸಹ ಅತ್ಯಂತ ವಿಜೃಂಭಣೆಯಿಂದ ಕನ್ನಡ ರಾಜ್ಯೋತ್ಸವವನ್ನು ಇಂದು ಆಚರಿಸುದ್ದೇವೆ ಎಂದರು.

ನಂತರ ಕನ್ನಡ ನಾಡು ನುಡಿಯ ಬಗ್ಗೆ ಕನ್ನಡ ಸಾಹಿತ್ಯ ಪರಿಷತ್ ತಾಲೂಕಾಧ್ಯಕ್ಷ ಗಂಗಾಧರ ನಾಯ್ಕ ಉಪನ್ಯಾಸವನ್ನು ನೀಡಿದರು.

ಈ ಸಂಧರ್ಭದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರ ಪೈಕಿ ಪತ್ರಕರ್ತರ ವಿಭಾಗದಲ್ಲಿ ವಿಷ್ಣು ಎಂ.ದೇವಾಡಿಗ, ಸಂಗೀತ ಕ್ಷೇತ್ರದಲ್ಲಿ ಶಿಕ್ಷಕಾರದ ಮಂಜುಳಾ ಶಿರೂರಕರ ಮತ್ತು ಹೇಮಾ ನಾಯ್ಕ, ಸಾಹಿತ್ಯದಲ್ಲಿ ಮಂಜುನಾಥ ಮುರುಡೇಶ್ವರ, ಜನಪದ ಕಲೆಯಲ್ಲಿ ಕೃಷ್ಣ ಮಾಸ್ತಿ ಗೊಂಡ, ಯಕ್ಷೆಗಾನ ಅಚ್ಚುತ ವೈದ್ಯ ಬೈಲೂರು.
ನಾಟಕ ರಘುರಾಮ ಮಡಿವಾಳ, ಸೋಬಾನೆ ಪದ ಕಾಳಿ ಸಂಕಯ್ಯ ಗೊಂಡ, ಸಂಗೀತ ಭಜನೆಯಲ್ಲಿ ಗಣಪತಿ ಶಿರೂರು, ಸಮಾಜ ಸೇವೆ ವಿಭಾಗದಲ್ಲಿ ಡಿ.ಬಿ ನಾಯ್ಕ, ಮತ್ತು ಫಯಾಜ್ ಎಚ್ ಮುಲ್ಲಾ, ಇವರನ್ನು ಗೌರವಿಸಿ ಸನ್ಮಾನಿಸಲಾಯಿತು.

ಇದೆ ಸಂದರ್ಭದಲ್ಲಿ 2023-24ನೇ ಸಾಲಿನ ಎಸ್.ಎಸ್.ಎಲ್.ಸಿ ಪರೀಕ್ಷೆಯಲ್ಲಿ ಕನ್ನಡ ಮಾದ್ಯಮದಲ್ಲಿ ಅತೀ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳಿಗೆ ಮೊದಲ ಮೂರು ಸ್ಥಾನ ಪಡೆದ ಹರ್ಷನ ನಾಗಯ್ಯ ಗೊಂಡ, ಭಾವನಾ ಪ್ರಭಾಕರ ನಾಯ್ಕ, ಮಾಧುರಿ ಕೃಷ್ಣಗೊಂಡ ಸನ್ಮಾನಿಸಲಾಯಿತು.

  ವೇಧಿಕೆಯಲ್ಲಿ   ಸರ್ಕಾರಿ ಕಚೇರಿಗಳಲ್ಲಿ ಅತ್ಯುತ್ತಮ ದೀಪಾಲಂಕಾರ ಮಾಡಿದ ಭಟ್ಕಳ ಪುರಸಭೆ ಮೊದಲ ಸ್ಥಾನ  ಪಡೆದುಕೊಂಡಿತು. ಉತ್ತಮ ಟಾಬ್ಲೋ ಪ್ರದರ್ಶನದಲ್ಲಿ ಮೊದಲ ಸ್ಥಾನ ಭಟ್ಕಳ ವಲಯ ಅರಣ್ಯ ಕಚೇರಿ , ಎರಡನೇ ಸ್ಥಾನ ಕ್ಷೇತ ಶಿಕ್ಷಣಾಧಿಕಾರಿ ಕಚೇರಿ ಹಾಗೂ ಮೂರನೇ ಸ್ಥಾನ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳ ಇಲಾಖೆ ಹಾಗೂ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಭಟ್ಕಳ ಪಡೆದುಕೊಂಡಿತು.

ನಂತರ ಪ್ರೌಢಶಾಲೆ ವಿದ್ಯಾರ್ಥಿಗಳಿಂದ ಸಾಂಸ್ಕøತಿಕ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮಕ್ಕೂ   ಪೂರ್ವದಲ್ಲಿ ಇಲ್ಲಿನ ತಾಲೂಕಾ ಆಡಳಿತ ಸೌಧದಲ್ಲಿ ಶ್ರೀ ಭುವನೇಶ್ವರಿ ದೇವಿಗೆ ಸಹಾಯ ಆಯುಕ್ತರು, ಅಧಿಕಾರಿಗಳು ಪೂಜೆ ಸಲ್ಲಿಸಿ ಅಲ್ಲಿಂದ ಮೆರವಣಿಗೆಯ ಮೂಲಕ ಸಾಗಿ ಸಂಶೂದ್ದೀನ ಸರ್ಕಲ ಮಾರ್ಗವಾಗಿ ತಾಲೂಕಾ ಕ್ರೀಡಾಂಗಣಕ್ಕೆ ಆಗಮಿಸಿದ್ದು, ಮೆರವಣಿಗೆಯೂದ್ದಕ್ಕೂ ಪುಟಾಣಿ ಮಕ್ಕಳು ವಿವಿಧ ಸ್ವಾತಂತ್ರ್ಯ ಹೋರಾಟಗಾರ ವೇಷಧಾರಿಯಲ್ಲಿದ್ದರು ಅದೇ ರೀತಿ ಮೆರವಣಿಗೆಯಲ್ಲಿ ವಿವಿಧ ಇಲಾಖೆಗಳ ಟಾಬ್ಲೋಗಳು ಎಲ್ಲರ ಆಕರ್ಷಣೆಯಾಗಿತ್ತು.

ವೇದಿಕೆಯಲ್ಲಿ ತಹಶೀಲ್ದಾರ್ ಅಶೋಕ ಎನ್ ಭಟ್, ಕ್ಷೇತ್ರ ಶಿಕ್ಷಣಾಧಿಕಾರಿ ವೆಂಕಟೇಶ ನಾಯ್ಕ, ಭಟ್ಕಳ ಪುರಸಭೆ ಅಧ್ಯಕ್ಷ ಅಲ್ತಾಫ್ ಮೂಹಿದ್ದೀನ್ ಖರೂರಿ, ಜಾಲಿ ಪಟ್ಟಣ  ಪಂಚಾಯತ ಅಧ್ಯಕ್ಷೆ ಖಾಜೀಯಾ ಅಫ್ಸಾ ಹುಜೈಫಾ,
ಭಟ್ಕಳ ಪುರಸಭೆ ಮುಖ್ಯಾಧಿಕಾರಿ ವೆಂಕಟೇಶ ಮೆಸ್ತಾ ಹಾಗೂ  ಜಾಲಿ ಪಟ್ಟಣ ಪಂಚಾಯತ ಮುಖ್ಯಾಧಿಕಾರಿ ಮಂಜಪ್ಪ ಉಪಸ್ಥಿತರಿದ್ದರು.