ನಾರಾಯಣಸ್ವಾಮಿ ಸಿ.ಎಸ್ ಹೊಸಕೋಟೆ


ದೀಪಾವಳಿ ಹಬ್ಬಕ್ಕೆ  ಗ್ರಾಹಕರ ಕೈ ಸುಡುತ್ತಿರುವ ಅಡುಗೆ ಎಣ್ಣೆ


ಯಾವುದೇ ಅಡುಗೆ ಮಾಡಬೇಕಾದರೂ ಅಡುಗೆ ಎಣ್ಣೆ ಬೇಕೇ ಬೇಕು. ಆದರೆ, ಬೆಲೆ ಏರಿಕೆ ಬಿಸಿ ತಾಗುತ್ತಿದೆ. ದೇಶದಲ್ಲಿ ಎಣ್ಣೆಕಾಳು ಬೆಳೆಯದೆ ಇರುವುದರ ಜತೆಗೆ ಸರ್ಕಾರ ಆಮದು ಸುಂಕ ಹೆಚ್ಚಳ ಮಾಡಿರುವುದರಿಂದ ಬೆಲೆಗಳು ಹೆಚ್ಚಳವಾಗಿದೆ ಎಂದು ಹೇಳಲಾಗಿದೆ.

ಚಿಂತೆಗೀಡು: ಒಂದು ಲೀಟರ್ ಅಡುಗೆ ಎಣ್ಣೆಗೆ 25 ರಿಂದ 30 ರೂ. ಹೆಚ್ಚಾಗಿದ್ದು ಜೀವನ ನಿರ್ವಹಣೆ ಕಷ್ಟಕರವಾಗಿದೆ. ಕಳೆದ ತಿಂಗಳು ಒಂದು ಲೀಟರ್ ಅಡುಗೆ ಎಣ್ಣೆಗೆ 100 ರೂ. ಇದ್ದ ಬೆಲೆ ಈಗ ಒಂದು ಲೀಟರ್ 138 ರಿಂದ 140, 150 ರೂ.ಗೆ ಏರಿಕೆ ಕಂಡಿದೆ. ಸೋಯಾಬಿನ್ 130 ರಿಂದ 150, ಸೂರ್ಯಕಾಂತಿ ಎಣ್ಣೆ 125 ರಿಂದ 150ರೂ., ಸಾಸಿವೆ ಎಣ್ಣೆ 145ರಿಂದ 180 ರೂ., ಕಡಲೆಕಾಯಿ ಎಣ್ಣೆ 185ರಿಂದ 195 ರೂ.ಗೆ ಏರಿಕೆಯಾಗಿದೆ. 5 ಲೀಟರ್ ಗೋಲ್ಡ್ ವಿನ್ನರ್, ಫ್ರೀಡಂ ಸನ್ ಪ್ಯೂರ್ ಎಣ್ಣೆ 560 ರಿಂದ 670 ರೂವರೆಗೆ ಏರಿಕೆಯಾಗಿದೆ. ಸನ್ ಫ್ಲೋರ್ ಎಣ್ಣೆ ಲೀಟ ರ್‌ಗೆ 138 ರಿಂದ 145ರೂ.ವರೆಗೆ ಮಾರಾಟವಾ ಗುತ್ತಿದೆ ಎಂದು ವ್ಯಾಪಾರಿಗಳು ಹೇಳುತ್ತಾರೆ. ದೀ ಪಾವಳಿ ಹಬ್ಬ ಇರುವುದರಿಂದ ಅಡುಗೆ ಎಣ್ಣೆದರಮತ್ತಷ್ಟು ಏರಿಕೆ ಆಗುವ ಸಾಧ್ಯತೆಗಳಿವೆ. ಇದರಿಂದ ಜನಸಾಮಾನ್ಯರನ್ನು ಚಿಂತೆಗೀಡು ಮಾಡಿದೆ. ಹೋಟೆಲ್ ಮಾಲಿಕರಿಗೆ ಬೆಲೆ ಏರಿಕೆ ಬಿಸಿ: ಇತ್ತೀಚಿನ ದಿನಗಳಲ್ಲಿ ಬೆಲೆ ಏರಿಕೆ ಬಿಸಿ ಹೋಟೆಲ್ ಮಾಲೀಕರಿಗೆ ತಟ್ಟುತ್ತಿದೆ.

ಒಂದು ಕಡೆ ತೆಂಗಿನಕಾಯಿ ಬೆಲೆ ಏರಿಕೆ ಹೆಚ್ಚಳ, ಮತ್ತೊಂದು ಕಡೆ ಅಡುಗೆ ಎಣ್ಣೆ ಬೆಲೆ ಏರಿಕೆ ಹೆಚ್ಚಾಗಿದ್ದು ಸಾಕಷ್ಟು ಸಂಕಷ್ಟ ಎದುರಾಗಿದೆ. ಅಡುಗೆ ಎಣ್ಣೆ ಬೆಲೆ ಏರಿಕೆ ಹಿನ್ನೆಲೆ ಹೋಟೆಲ್‌ಗಳಲ್ಲಿ ತಿಂಡಿ ಊಟದ ಬೆಲೆ ಏರಿಕೆ ಮಾಡಿದ್ದಾರೆ. 80 ರೂ. ಇದ್ದ ಊಟ ಈಗ 95ರೂ., ತಿಂಡಿ 50 ಇದ್ದದ್ದು 65 ರೂ.ಗೆ ಏರಿಕೆ ಮಾಡಿದ್ದಾರೆ. ವಡೆ ಬೋಂಡಾ ಬಜ್ಜಿ ಇವುಗಳ ಬೆಲೆ 5ರೂ.ನಿಂದ 8ರೂ.ಗೆ ಹೆಚ್ಚಳ ಮಾಡಿದ್ದಾರೆ ಎಂದು ಗ್ರಾಹಕರು ಹೇಳುತ್ತಾರೆ. ಸರ್ಕಾರ ಕಳೆದ ಸೆಪ್ಟೆಂಬರ್‌ನಲ್ಲಿ ಕಚ್ಚಾ ಸೋ ಯಾಬಿನ್, ತಾಳೆ, ಸೂರ್ಯಕಾಂತಿ ಎಣ್ಣೆ ಮೇಲಿನ ಆಮದು ಸುಂಕ ಹೆಚ್ಚು ಮಾಡಿದೆ. ಅಡುಗೆ ಎಣ್ಣೆ ಬೆಲೆ ಏರಿಕೆಗೆ ಪ್ರಮುಖವಾಗಿದೆ. ಕಚ್ಚಾತಾಳೆ ಸೋ ಯಾಬೀನ್, ಸೂರ್ಯಕಾಂತಿ ಎಣ್ಣೆಗಳ ಮೇಲಿನ ಆಮದು ಸುಂಕ ಶೇಕಡ 5.5ರಿಂದ 27,5ಕ್ಕೆ ಮತ್ತು ಸಂಸ್ಕರಿಸಿದ ಖಾದ್ಯ ತೈಲದ ಮೇಲಿನ 13.7ರಿಂದ ಶೇ 35ಕ್ಕೆ ಏರಿಕೆಯಾಗಿ ಶೇ.22 ಹೆಚ್ಚಳವಾಗಿದೆ ಎಂದು ವ್ಯಾಪಾರಸ್ಥರು ಹೇಳುತ್ತಾರೆ.



ಬೆಲೆ ಏರಿಕೆಯ ಬಿಸಿ ಪ್ರತಿ ಹೋಟೆಲ್ ಮಾಲಿಕರಿಗೆ ತಟ್ಟುತ್ತಿದೆ. ಯಾವುದೇ ಅಡುಗೆ ಮಾಡಬೇಕಾದರೆ ಅಡುಗೆ ಎಣ್ಣೆ ಬೇಕು. ಈಗ ಬೆಲೆ ಹೆಚ್ಚಳದಿಂದ ಆಹಾರ ಪದಾರ್ಥ ಹೆಚ್ಚಳ ಅನಿವಾರ್ಯ.

• ರಂಜಿತ್ ಭಟ್ , ಹೋಟೆಲ್ ಮಾಲಿಕರು ಹೊಸಕೋಟೆ




ಸಮರ್ಪಕ ಅಡುಗೆ ಎಣ್ಣೆಮಾರುಕಟ್ಟೆಗೆ ಬರುತ್ತಿಲ್ಲ. ಅಡುಗೆ ಎಣ್ಣೆಯನ್ನು ವಿವಿಧ ಕಡೆಗಳಿಂದ ತರಿಸಿಕೊಳ್ಳಲಾಗುತ್ತಿದೆ. . ಪ್ರತಿ ಎಣ್ಣೆಯ ದರ ಹೆಚ್ಚಳವಾಗಿದೆ. ದೀಪಾವಳಿ ಹಬ್ಬಕ್ಕೆ ಮತ್ತಷ್ಟು ಹೆಚ್ಚಳವಾಗುವ ಸಾಧ್ಯತೆ ಇದೆ.

• ಬಸವರಾಜು , ವ್ಯಾಪಾರಿ, ಎಸ್ ವಿ ಆರ್ ಪ್ರಾವಿಜನ್ ಸ್ಟೋರ್ ಸೂಲಿಬೆಲೆ



ಅಡುಗೆ ಎಣ್ಣೆ ಹೆಚ್ಚಳವಾಗಿದೆ ಎಂದು ಉಪಯೋಗಿಸದೇ ಇರುವುದು ಆಗುವುದಿಲ್ಲ. ಎಷ್ಟೇ ಬೆಲೆಯಾದರೂ ಅಡುಗೆ ಎಣ್ಣೆ ಬಳಸಬೇಕು.

• ರಂಜಿತಾ , ಗೃಹಿಣಿ ಚಿಕ್ಕಕೋಲಿಗ