ವರದಿ  :ಲೋಕೇಶ್ ನಾಯ್ಕ್. ಭಟ್ಕಳ.

ಶಿರೂರು  ಗುಡ್ಡ ಕುಸಿತ  ಕಣ್ಮರೆಯಾದ   ಜೀವಗಳ
ಪತ್ತೆ ಕಾರ್ಯಾಚರಣೆ  ಸ್ಥಗಿತ  ಈ ಹಿನ್ನೆಲೆಯಲ್ಲಿ ಸರ್ಕಾರದ ನಿರ್ಲಕ್ಷ್ಯ ಧೋರಣೆಯನ್ನು ಖಂಡಿಸಿ ಭಟ್ಕಳ ತಾಲೂಕಾ ನಾಮಧಾರಿ ಸಮಾಜದವರಿಂದ ತಹಶಿಲ್ಧಾರರ ಮೂಲಕ ಸರ್ಕಾರಕ್ಕೆ ಮನವಿ ಸಲ್ಲಿಕೆ


ಭಟ್ಕಳ :ಅ.25
ನಾಮಧಾರಿ ಯುವಕರು ಬಿದಿಗಿಳಿದು ಹೋರಾಟಕ್ಕೆ ಮುಂದಾದರೆ ಭಟ್ಕಳ ಭಟ್ಕಳವಾಗಿ ಉಳಿಯುವುದಿಲ್ಲ.

ಕೇರಳದ ಯುವಕನ ಶವಪತ್ತೆಗಾಗಿ ಸರ್ಕಾರ ತೋರಿದ ಕಾಳಜಿಯನ್ನು ದುರಂತದಲ್ಲಿ ನಾಪತ್ತೆಯಾದ ಸ್ಥಳೀಯ ವ್ಯಕ್ತಿಗಳ ಶವ ಪತ್ತೆಗೆ ತೋರುತ್ತಿಲ್ಲ ಎಂದು ನಾಮಧಾರಿ ಸಮಾಜದ ಗೌರವಾಧ್ಯಕ್ಷ ಕೃಷ್ಣ ನಾಯ್ಕ ಹೇಳಿದರು.

ಜಲೈ 16 ರಂದು ಅಂಕೋಲಾ ತಾಲೂಕಿನಲ್ಲಿ ಸಂಭವಿಸದ ಶಿರೂರು  ಗುಡ್ಡಕುಸಿತ ಅವಘಡದಲ್ಲಿ
11 ಜನರು ನಾಪತ್ತೆಯಾಗಿದ್ದು ಅದರಲ್ಲಿ  ಇಲ್ಲಿಯವರೆಗೂ 9 ಶವಗಳು ಪತ್ತೆಯಾಗಿದೆ

ನಾಪತ್ತೆಯಾಗಿದ್ದ ಕೇರಳದ ಲಾರಿ ಚಾಲಕ ಅರ್ಜುನ್ ಪತ್ತೆಗೆ ಗೋವಾದಿಂದ ಬೃಹತ್ ಯಂತ್ರಗಳನ್ನು ಕರೆಸಿ ಕಾರ್ಯಾಚರಣೆ ಮಾಡಲಾಗಿತ್ತು. ಆದರೆ ನಾಪತ್ತೆಯಾದ ಸ್ಥಳೀಯ ಇಬ್ಬರು ನಾಮಧಾರಿ ಸಮಾಜದ ವ್ಯಕ್ತಿಗಳ ಶವ ಪತ್ತೆ ಮಾಡುವ ಮುನ್ನ ಸರ್ಕಾರ ಕಾರ್ಯಾಚರಣೆಯನ್ನು ಸ್ಥಗಿತ ಗೊಳಿಸಿದೆ

ಈ ಹಿನ್ನೆಲೆಯಲ್ಲಿ ಸರ್ಕಾರದ ನಿರ್ಲಕ್ಷ್ಯ ಧೋರಣೆಯನ್ನು ಖಂಡಿಸಿ ಇಂದು ಭಟ್ಕಳ ತಾಲೂಕಾ ನಾಮಧಾರಿ ಸಮಾಜ ತಾಲೂಕಿನ ಆಡಳಿತ ಸೌಧದಲ್ಲಿ ಜಮಾವಣೆಗೊಂಡು ತಹಶಿಲ್ಧಾರರ ಮೂಲಕ ಸರ್ಕಾರಕ್ಕೆ ಮನವಿಯನ್ನು ಸಲ್ಲಿಸಲಾತು.

ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಸ್ಥಳೀಯರ ಜೀವಕ್ಕೆ ಸರ್ಕಾರ ಬೆಲೆ ನೀಡುತ್ತಿಲ್ಲ. ಇದೇ ಧೋರಣೆಯನ್ನು ಮುಂದುವರೆಸಿದರೆ ಇಡೀ ಸಮಾಜ ಒಟ್ಟಾಗಿ ಜಿಲ್ಲೆಯಾದ್ಯಂತ ಪ್ರತಿಭಟನೆಗೆ ಇಳಿಯುತ್ತೇವೆ ಎಂದು ಏಚ್ಚರಿಕೆ ನೀಡಿದರು.

ನಾಮಧಾರಿ ಸಮಾಜದ ಶ್ರೀ ಹಳೇಕೋಟೆ  ಹನುಮಂತ  ದೇವಸ್ಥಾನ ಹಾಗೂ  ಮಾವಳ್ಳಿ ಭಾಗದ ನಾಮಧಾರಿ ಅಧ್ಯಕ್ಷರಾದ ಆರ್.ಕೆ ನಾಯ್ಕ ಮಾತನಾಡಿ ಶಿರೂರು ಗುಡ್ಡ ಕುಸಿತಕ್ಕೆ ಐ.ಆರ್.ಬಿ ಕಂಪನಿ ನಡೆಸಿದ ಅವೈಜ್ಞಾನಿಕ ಕಾಮಗಾರಿ ನೇರ ಕಾರಣವಾಗಿದ್ದು, ಚಿಕ್ಕ ಬಾಲಕನಿಗೂ ಕೂಡಾ  ಗುಡ್ಡ ಕೊರೆದಿರುವುದು ಅವೈಜ್ಞಾನಿಕ ಎಂದು ತಿಳಿಯುತ್ತದೆ. ಆದರೆ ಐ.ಆರ್.ಬಿ ಕಂಪನಿ ಇದನ್ನು ಅಲ್ಲಗಳೆಯುತ್ತಿದ್ದು ಈ ಅವಘಡಕ್ಕೆ ಪ್ರಾಕೃತಿಕ ವಿಕೋಪ ಕಾರಣ ಎಂದು ವಾದಿಸುತ್ತಿದೆ. ಐ.ಆರ್.ಬಿ ಕಂಪನಿಯನ್ನು ಬಗ್ಗಿಸಲು ಯಾರಿಂದಲೂ ಸಾಧ್ಯವಾಗುತ್ತಿಲ್ಲ.
ಇಂತಹ ದುರಂತ ಸಂಭವಿಸಿದರೂ ನಮ್ಮ ಸರ್ಕಾರ ಹಾಗೂ ಜನಪ್ರತಿನಿದಿಗಳು ಅವರ ವಿರುದ್ಧ ಮೃದು ಧೊರಣೆ ತೋರುತ್ತಿದ್ದಾರೆ.

ದುರಂತ ಸಂಭವಿಸಿದ ನಂತರ ಸರ್ಕಾರ ಈ ಘಟನೆಯನ್ನು ನಿರ್ಲಕ್ಷ್ಯತನದಿಂದ ನೋಡಿತ್ತು. ಇಂದಿನ ದಿನಗಳಲ್ಲಿ ಹೊಸ ತಂತ್ರಜ್ಞಾನವನ್ನು ಉಪಯೋಗಿಸಿಕೊಂಡು ಕಾರ್ಯಾಚರಣೆ ಮಾಡಿದರೆ ಒಂದು ವಾರದಲ್ಲಿ ಕಾರ್ಯಾಚರಣೆ ಮಾಡಬಹುದಿತ್ತು.

ಸರ್ಕಾರ ಕಾರ್ಯಾಚರಣೆಯನ್ನು ಮುಂದುವರೆಸಿ ನಾಮಧಾರಿ ಸಮಾಜದ ಇಬ್ಬರು ಯುವಕರಾದ ಜಗನ್ನಾಥ ನಾಯ್ಕ ಹಾಗೂ ಲೋಕೇಶ್ ನಾಯ್ಕ ಶವವನ್ನು ಪತ್ತೆಹಚ್ಚುವ ನಿಟ್ಟಿನಲ್ಲಿ ಪ್ರಯತ್ನಿಸಬೇಕು. ನೊಂದ ಕುಟುಂಬಕ್ಕೆ ಹೆಚ್ಚಿನ ಪರಿಹಾರವನ್ನು ನೀಡಬೇಕು. ಜನರ ಜೀವನದ ಜೊತೆ ಚೆಲ್ಲಾಟವಾಡುತ್ತಿರುವ ಐ.ಆರ್.ಬಿ ಕಂಪನಿಯ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದರು.

ಈ ಸಂದರ್ಭದಲ್ಲಿ ಭಟ್ಕಳ ನಾಮಧಾರಿ ಸಮಾಜದ ಅಧ್ಯಕ್ಷ ಅರುಣ್ ನಾಯ್ಕ, ಗೋವಿಂದ ನಾಯ್ಕ, ಡಿ.ಎಲ್ ನಾಯ್ಕ, ಸುಬ್ರಾಯ ನಾಯ್ಕ, ವಿಠ್ಠಲ್ ನಾಯ್ಕ, ಶ್ರೀಧರ್ ನಾಯ್ಕ, ಎಮ್.ಕೆ.ನಾಯ್ಕ, ನಾಗೇಶ ನಾಯ್ಕ, ಭವಾನಿಶಂಕರ ಮತ್ತಿತರರು ಇದ್ದರು.