ವರದಿ :ಲೋಕೇಶ್ ನಾಯ್ಕ್. ಭಟ್ಕಳ.

ಭಟ್ಕಳ : 22 ಅ
ಕುಕನೀರ್ ಗ್ರಾಮದಲ್ಲಿ ಅನಧಿಕೃತ ವ್ಯಕ್ತಿಗಳು ಅರಣ್ಯ ಜಾಗವನ್ನು ಮಾರಾಟ ಮತ್ತು ಸ್ವಾಧಿನ ಪಡಿಸಿಕೊಂಡಿರುವುದನ್ನು ವಿರೋಧಿಸಿ ಗ್ರಾಮಸ್ಥರು ಇಂದು ಸಹಾಯಕ ಅರಣ್ಯಾಧಿಕಾರಿಗಳ ಕಛೇರಿಗೆ ಆಗಮಿಸಿ ಸ್ವಾಧಿನಪಡಿಸಿಕೊಂಡಿರುವ ಜಾಗವನ್ನು ವಶಪಡಿಸಿಕೊಂಡು ನಿರ್ದಿಷ್ಟ ಜಾಗದ ಸುತ್ತಲು ಬೇಲಿ ಅಳವಡಿಸುವಂತೆ ಒತ್ತಾಯಿಸಿ ಮನವಿ‌ ನೀಡಿದರು.


ಈ ಹಿಂದೆ ಹೆಬಳೆ ಗ್ರಾಮದ ಕುಕನೀರ್ ಮಜಿರೆಯ ಸರ್ವೆ ನಂ. 258 ರಲ್ಲಿರು 2 ಗುಂಟೆ ಜಾಗದಲ್ಲಿ ನಾಗವೇಣಿ ರಾಜು ಶೆಟ್ಟಿ ಎಂಬುವವರು ಅಧೀಕೃತ ಅತಿಕ್ರಮಣಾದಾರರಾಗಿ ವಾಸ್ತವ್ಯ ಹೊಂದಿದ್ದರು. ಕೆಲವು ಸಮಯಗಳ ಹಿಂದೆ ಅವರು ಮನೆ ಬಿಟ್ಟು ಹೋಗಿದ್ದರು. ಆದರೆ ಇತ್ತೀಚೆಗೆ ಆ ಜಾಗವನ್ನು ಮೊಹಮ್ಮದ್ ಸಲಿಂ ಬಾಯಿದ್ ಅಕ್ಬರ್ ಎಂಬುವವರು ಸ್ವಾಧಿನಪಡಿಸಿಕೊಂಡು ಜಾಗವನ್ನು ಅಭಿವೃದ್ಧಿಪಡಿಸುತ್ತಿದ್ದರು. ಈ ಕುರಿತಾಗಿ ಗ್ರಾಮಸ್ಥರು ಅರಣ್ಯ ಇಲಾಖೆಗೆ ದೂರು ನೀಡಿದಾಗ ಪ್ರಕರಣ ದಾಖಲಿಸಿಕೊಂಡು ಕೆಲಸವನ್ನು ಸ್ಥಗಿತಗೊಳಿಸಿದ್ದರು. ಆದರೆ ಇದೀಗ ಆ ವ್ಯಕ್ತಿ ಮತ್ತೆ ಆ ಜಾಗಕ್ಕೆ ಆಗಮಿಸಿ ಮತ್ತೆ ಕಾಮಗಾರಿಯನ್ನು‌ ಪ್ರಾರಂಭಿಸಿ ಗ್ರಾಮಸ್ಥರು ಪ್ರಶ್ನಿಸಿದಾಗ ಜಾಗವನ್ನು  ಹೆಬಳೆಯ ಚಣ್ಣಯ್ಯ ನಾಯ್ಕ ಎಂಬುವವರಿಂದ ಖರೀದಿ ಮಾಡಿರುವುದಾಗಿ ಹೇಳಿಕೊಂಡು ಅರಣ್ಯ ಇಲಾಖೆಯ ಕಣ್ಣು ತಪ್ಪಿಸಿ ತನ್ನ ಕೆಲಸವನ್ನು ಮುಂದುವರೆಸಿದ್ದಾನೆ. ಅರಣ್ಯ ಇಲಾಖೆಯ ಜಾಗವನ್ನು ಅನಧಿಕೃತ ವ್ಯಕ್ತಿಗಳಿಂದ ಸ್ವಾಧಿನವಾಗದಂತೆ ತಡೆಯುವ ನಿಟ್ಟಿನಲ್ಲಿ ಸೂಕ್ತ ಕ್ರಮಕ್ಕೆ ಆಗ್ರಹಿಸಿ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಗಳಿಗೆ ಗ್ರಾಮಸ್ಥರು ಮನವಿ ಪತ್ರವನ್ನು ನೀಡಿದರು.

ಈ ಸಂದರ್ಭದಲ್ಲಿ ಕೃಷ್ಣ ನಾಯ್ಕ, ಶ್ರೀಕಾಂತ ನಾಯ್ಕ, ವಸಂತ ದೇವಾಡಿಗ, ರವಿ ನಾಯ್ಕ, ರಾಮ ನಾಯ್ಕ ಹೇಬ್ಳೆ ಹಾಗೂ ಕೂಕ್ಕನಿರ ಗ್ರಾಮಸ್ಥರು ಹಾಜರಿದ್ದರು.