santhosha ram
ವರದಿ :ಲೋಕೇಶ್ ನಾಯ್ಕ್ ಭಟ್ಕಳ.
ಭಟ್ಕಳ ಅ.9
ಜಿಲ್ಲೆ ಮತ್ತು ಕ್ಷೇತ್ರದಲ್ಲಿ ಮರಳು ಸಮಸ್ಯೆಗೆ ಬಿಜೆಪಿಗರೇ ಕಾರಣ ಎನ್ನುವ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರ ಆರೋಪಕ್ಕೆ ಖಂಡನೆ ವ್ಯಕ್ತಪಡಿಸಿದ ಭಟ್ಕಳದ ಮಾಜಿ ಶಾಸಕ ಸುನಿಲ್ ನಾಯ್ಕ್.
ಇಂದು ಭಟ್ಕಳದ ಪ್ರವಾಸಿ ಮಂದಿರದಲ್ಲಿ ಬಿಜೆಪಿ ಪಕ್ಷ ಹಮ್ಮಿಕೊಂಡಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಪತ್ರಿಕಾಗೋಷ್ಠಿಯ ಮೂಲಕ ರಾಜಕಾರಣ ಮಾಡಬೇಕೆನ್ನುವ ಉದ್ದೇಶ ನಮ್ಮದಲ್ಲ 7ರಂದು ಹೊನ್ನಾವರ ಮತ್ತು ಭಟ್ಕಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರುಗಳು ಜಂಟಿಯಾಗಿ ಪತ್ರಿಕಾಗೋಷ್ಠಿಯನ್ನ ನಡೆಸಿ ಬಿಜೆಪಿಯ ಮೇಲೆ ನೇರ ಆರೋಪವನ್ನು ಮಾಡಿದ್ದು ಈ ಆರೋಪವನ್ನು ತಳ್ಳಿ ಹಾಕಿದ್ದಾರೆ. ಕರ್ನಾಟಕದಲ್ಲಿ ಕಾಂಗ್ರೆಸ್ ಸರ್ಕಾರ ಅದು ನಿಮ್ಮದೇ ಸರ್ಕಾರ ಇದ್ದು ಈ ಭಾಗದ ಈ ಕ್ಷೇತ್ರದ ಶಾಸಕರು ಹಾಗೂ ಜಿಲ್ಲೆಯ ಉಸ್ತುವಾರಿ ಸಚಿವರು ನೀವೇ ಇದ್ದು ಎರಡೆರಡು ನಿಗಮಗಳಿವೆ ಆದರೂ ಕೂಡ ಕಾಂಗ್ರೆಸ್ ಪಕ್ಷದವರು ಮಾಧ್ಯಮದ ಮುಂದೆ ಬಂದು ಕಷ್ಟದ ಅಳಲನ್ನು ತೋಡಿಕೊಂಡಿದ್ದಾರೆ ಸರ್ಕಾರವನ್ನು ನಡೆಸ ತಕ್ಕಂತವರು ಈ ರೀತಿಯಾಗಿ ವರ್ತಿಸುವುದು ಮುಜುಗರ ಹಾಗೂ ನಾಚಿಕೆಗೇಡಿನ ಸಂಗತಿಯಾಗಿದೆ.
ಕಳೆದ 2013 ರಿಂದ 2018 ರ ವರೆಗೆ ಇಂದಿನ ಸಚಿವರೆ ಹಿಂದಿನ ಶಾಸಕರಿದ್ದ ಅವಧಿಯಲ್ಲಿ ಇದೇ ಮರಳಿನ ಸಮಸ್ಯೆ ಉದ್ಭವವಾಗಿತ್ತು ಜಿಲ್ಲೆಯ ಎಲ್ಲಾ ಕಡೆ ಮರಳಿನ ಅಭಾವವಿತ್ತು ಹಾಗೆಯೇ ಪುನಹ 2024ರಲ್ಲಿ ಮತ್ತೆ ಇವರೇ ಶಾಸಕರಾಗಿ ಸಚಿವರಾಗಿ ಬಂದಾಗ ಮರಳಿನ ಸಮಸ್ಯೆ ಮತ್ತೆ ಕಾಡುತ್ತಿದೆ ಎನ್ನುವುದು ಕ್ಷೇತ್ರದ ಜನರಿಗೆ ಅನುಮಾನವಿದೆ. ಮರಳಿನ ಸಮಸ್ಯೆಗೆ ಸಚಿವರಲ್ಲಿ ಇಚ್ಛಾಶಕ್ತಿಯ ಕೊರತೆ ಇದೆ.
2018 ರಿಂದ 2023ರ ವರೆಗೆ ಬಿಜೆಪಿ ಸರಕಾರದಲ್ಲಿ ನಾನು ಈ ಕ್ಷೇತ್ರದ ಶಾಸಕನಾದ ಅವಧಿಯಲ್ಲಿ ಒಂದೇ ಒಂದು ದಿನ ರೀತಿಯ ಮರಳಿನ ಅಭಾವವಿರಲಿಲ್ಲ ಬಡವರಿಗೆ ಜನಸಾಮಾನ್ಯರಿಗೆ ಮರಳು ಲಭ್ಯವಿರುವಂತೆ ನೋಡಿಕೊಂಡಿದ್ದೇನೆ.ಮರಳು ಕೇವಲ ಕಾಮಗಾರಿಗಷ್ಟೇ ಅಲ್ಲ ಇದನ್ನು ನಂಬಿ ಹಲವಾರು ಕಾರ್ಮಿಕರು ಸಾವಿರಾರು, ಕಟ್ಟಡ ಕಾರ್ಮಿಕರ ಕುಟುಂಬ ಮರಳನ್ನೇ ನಂಬಿ ಜೀವನ ನಡೆಸುತ್ತಿದ್ದಾರೆ.
ಸಚಿವರು ಜಿಲ್ಲೆಯಲ್ಲಿ ಮತ್ತು ಕ್ಷೇತ್ರದಲ್ಲಿ ಮರಳಿನ ಉದ್ಯಮವನ್ನಾಗಿ ಮಾಡಿಕೊಳ್ಳುವ ಹಂಬಲವನ್ನು ಇಟ್ಟುಕೊಂಡಿದ್ದಾರೆ ಎಂದು ಸಚಿವರಿಗೆ ನೇರವಾಗಿ ಪ್ರಶ್ನೆ ಮಾಡುತ್ತಿದ್ದೇನೆ. ನಾನು ಶಾಸಕನಾಗಿದ್ದ ಅವಧಿಯನ್ನು ಕೂಡ ಉಡುಪಿ ಜಿಲ್ಲೆಯ ಓರ್ವರು ಹಸಿರು ಪೀಠದಲ್ಲಿ ದಾವೆನ್ನ
ಹೂಡಿದರು ಅಂತಹ ಸಂದರ್ಭದಲ್ಲಿ ಓರ್ವ ಶಾಸಕನಾಗಿ ಉಡುಪಿ ಜಿಲ್ಲೆ.ಮಂಗಳೂರು ಜಿಲ್ಲೆ, ಉತ್ತರಕನ್ನಡ ಜಿಲ್ಲೆಯ ಜಿಲ್ಲಾಧಿಕಾರಿಗಳನ್ನು ಮತ್ತು ಮೈನ್ಸ್ ಸಚಿವರಾದ ಸಿ.ಸಿ ಪಾಟೀಲ್ ರವರ ನೇತೃತ್ವದಲ್ಲಿ ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಿ ಸಭೆ ನಡೆಸಿ ಸಾಂಪ್ರದಾಯಿಕವಾಗಿ ಮರಳು ನೀಡುವಂತೆ ಒತ್ತು ನೀಡಿ,ಏನೇ ಸಮಸ್ಯೆಗಳು ಇದ್ದರೂ ಕೂಡ ವಿಶೇಷ ಪ್ರಕರಣವನ್ನಾಗಿಸಿ ಜಿಲ್ಲೆಗಳ ಎಲ್ಲ ಭಾಗದಲ್ಲಿ ಮರಳು ಜನಸಾಮಾನ್ಯರಿಗೆ ಸಿಗುವಂತ ಕೆಲಸ ನಮ್ಮ ಬಿಜೆಪಿ ಸರ್ಕಾರ ಮಾಡಿದೆ. ಆದರೆ ಇಂದು ಕಾಂಗ್ರೆಸ್ ಸರ್ಕಾರ ಯಾಕೆ ಮರಳಿನ ವಿಚಾರದಲ್ಲಿ ತಾರತಮ್ಯ ಮೀನ ಮೇಷ ಎಣಿಸುತ್ತಿದೆ ಎನ್ನುವ ನಡೆ ಕ್ಷೇತ್ರದ ಜನತೆಗೆ ಗೊಂದಲಕ್ಕೆ ಈಡು ಮಾಡಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಭಟ್ಕಳ ಮಂಡಲ ಅಧ್ಯಕ್ಷ ಲಕ್ಷ್ಮಿ ನಾರಾಯಣ ನಾಯ್ಕ್, ಬಿಜೆಪಿ ಮುಖಂಡರಾದ ಗೋವಿಂದ ನಾಯ್ಕ್,ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷ ಶಿವಾನಿ ಶಾಂತರಾಮ್. ಜಿಲ್ಲಾ ಕಾರ್ಯದರ್ಶಿ ಸುಬ್ರಾಯ್ ದೇವಾಡಿಗ, ಶ್ರೀಕಾಂತ್ ನಾಯ್ಕ್, ಕಾರ್ಯದರ್ಶಿ ಶ್ರೀನಿವಾಸ್ ನಾಯ್ಕ್,ಪ್ರಮೋದ್ ಜೋಶಿ, ಬಿಜೆಪಿಯ ಪದಾಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು
