ವರದಿ ನಾರಾಯಣಸ್ವಾಮಿ ಸಿ.ಎಸ್

ಭೂ ಸ್ವಾಧೀನ ವಿರುದ್ದ ಹೋರಾಟ ಕೆಂಚೇಗೌಡ
ಹೊಸಕೋಟೆ ಅ.11 
ಕೃಷಿಯನ್ನು ನೆಚ್ಚಿಕೊಂಡು ಜೀವನ ಸಾಗಿಸುತ್ತಿ ರುವ ರೈತರನ್ನು ಒಕ್ಕಲೆಬ್ಬಿಸುವ ಕೆಲಸಕ್ಕೆ ರಾಜ್ಯ ಸರಕಾರ ಮುಂದಾಗಿದ್ದು, ರಕ್ತ ಹರಿಸಿಯಾದರೂ ನಮ್ಮ ಭೂಮಿ ಯನ್ನು ರಕ್ಷಿಸಿಕೊಳ್ಳುತ್ತೇವೆ ಎಂದು ಭೂ ಸ್ವಾಧೀನ ವಿರೋಧಿ ಸಮಿತಿ ಅಧ್ಯಕ್ಷ ಕೆಂಚೇಗೌಡ ಹೇಳಿದರು.

ನಂದಗುಡಿಯಲ್ಲಿ ಭೂ ಸ್ವಾಧೀನ ವಿರೋಧಿ ಸಮಿತಿ ವತಿಯಿಂದ ನೂತನ ಕಚೇರಿ ಉದ್ಘಾಟನಾ ಪೂಜಾ ಕಾರ್ಯ ಕ್ರಮವನ್ನು ಉದ್ದೇಶಿಸಿ ಮಾತನಾಡಿ

ನಂದಗುಡಿ ಭಾಗದಲ್ಲಿ ಭೂಮಿಗೆ ಪ್ರತಿ ಎಕರೆಗೆ ಕೋಟಿ ರೂಪಾಯಿ ಬೆಲೆ ಇದ್ದು, ಸಿಎಂ ಸಿದ್ದರಾಮಯ್ಯ ನೇತೃತ್ವದ ರಾಜ್ಯ ಸರಕಾರ ರೈತರಿಗೆ ಟೌನ್‌ಶಿಪ್ ಹೆಸರಿನಲ್ಲಿ ಆಟವಾಡಲು ಸರಕಾರ ಮುಂದಾಗಿದೆ. ಯಾವುದೇ ಕಾರಣಕ್ಕೂ ಭೂಮಿ ಬಿಟ್ಟು ಕೊಡಲು ಈ ಭಾಗದ ರೈತರು ಅವಕಾಶ ನೀಡುವುದಿಲ್ಲ, ಹಾಗೊಂದು ವೇಳೆ ಟೌನ್ ಶಿಪ್ ಮಾಡಲು ಮುಂದಾದರೆ ಪ್ರಾಣ ಬಿಡಲು ಹೆದರುವುದಿಲ್ಲ ಎಂದರು.

ಟೌನ್‌ ಶಿಪ್ ವಿರೋಧಿಸಿ ನಂದಗುಡಿ ಭಾಗಕ್ಕೆ ಒಳಪಡುವ 36 ಹಳ್ಳಿಗಳಲ್ಲಿ ರೈತ ರನ್ನು ಒಗ್ಗೂಡಿಸಿ ಸಭೆ ನಡೆಸಿ, ಅಭಿಪ್ರಾಯ ಸಂಗ್ರಹಿಸಿ, ರೈತರ ಸಹಿ ಸಂಗ್ರಹಿಸಿ, ಮಾನ್ಯಪ್ರಧಾನ ಮಂತ್ರಿ, ಸಂಸದರು, ರಾಜ್ಯಪಾ ಲರು, ಸಿಎಂ, ಡಿಸಿಎಂ, ಕಂದಾಯ, ಜಿಲ್ಲಾ ಉಸ್ತುವಾರಿ ಸಚಿವರು, ಮುಖ್ಯ ಕಾರ್ಯ ದರ್ಶಿ ಸೇರಿದಂತೆ ಸರಕಾರದ ಕಂದಾಯ ಅಧಿಕಾರಿಗಳಿಗೆ ಟೌನ್ ಶಿಪ್ ನಿರ್ಮಾಣ ಯೋಜನೆ ಕೈಬಿಡುವಂತೆ ಒತ್ತಾಯಿಸಿ ಸಹಿ ಸಂಗ್ರಹದ ಪ್ರತಿಯನ್ನು ಕಳುಹಿಸಲಾಗಿದೆ ಎಂದರು.

ಹಿರಿಯ ರೈತ ಮುಖಂಡ ಐ.ಸಿ.ಮುನಿಶಾಮಗೌಡ ಮಾತನಾಡಿ, ಮುಂದಿನ ದಿನಗಳಲ್ಲಿ ನಂದಗುಡಿಯಲ್ಲಿ ಸಾವಿರಾರು ರೈತರು ಬೃಹತ್ ಪ್ರತಿಭಟನೆ, ಹೊಸಕೋಟೆ ಚಲೋ, ಡಿಸಿ ಕಚೇರಿ ಮುತ್ತಿಗೆ ಹಾಗೂ ವಿಧಾನಸೌಧ ಚಲೋ ಕಾರ್ಯಕ್ರಮ ಹಮ್ಮಿಕೊಂಡಿದ್ದು, ಈ ಭಾಗದ ರೈತರ ಬದುಕು ಮತ್ತು ಸ್ವಾಭಿಮಾ ನದ ಪ್ರಶ್ನೆಯಾಗಿದ್ದು, ಯಾವುದೇ ಕಾರ ಣಕ್ಕೂ ಭೂಮಿ ಬಿಟ್ಟು ಕೊಡುವುದಿಲ್ಲ. ರಾಜ್ಯ ಸರಕಾರಕ್ಕೆ ತಕ್ಕ ಪಾಠ ಕಲಿಸಲು ಹೋರಾಟಕ್ಕೆ ದುಮುಕುತ್ತೇವೆ ಎಂದು ಎಚ್ಚರಿಕೆ ನೀಡಿದರು.

ಇದೇ ನಂದಗುಡಿ ಭಾಗದ 36 ಹಳ್ಳಿಗಳ ರೈತ ಮುಖಂಡರು ನೂತನ ಕಚೇರಿ ಉದ್ಘಾಟನಾ ಪೂಜಾ ಕಾರ್ಯಕ್ರಮದಲ್ಲಿ ಮುಂದಿನ ಹೋರಾ ಟದ ರೂಪರೇಷೆ ಬಗ್ಗೆ ಚರ್ಚೆ ನಡೆಸಿದರು.